Romans 16
Aituam Hopihnate
1Cenchrea pawlpi a nasem ▼▼16.1 Ahikeh saptuam upanu
i sanggamnu Phoebe note tungah apin ka phat hi. 2Amah, kei-a kipan mi tampi a huh mahmah khat ahi manin huhna a kisap peuhpeuh na piak ding uh le misiangte hih dinga kilawm bangin amah Topa sungah na san dingun kong thum hi. 3 Christ Jesu sunga ka naseppihte Priscilla ▼▼16.3 Greek ah Prisca, Priscilla min dang
le Aquila, na hohpihsak un. 4Amaute in kei adingin a luang uh a kham ngam khin uh hi. Kei bek hi loin Gentile-te pawlpi khempeuh zong amau tungah a lungdam uh hi. 5 Amau inn a kikhawm pawlpi teng zong na hopihsak un. c
Asia gama Christ ah a kikhel masapen, ka lawm it Epenetus, na hopihsak un.
6 Note adingin na a sem Mary, na hopihsak un.
7 Kei tawh thong kiakhawm ka tanau Andronicus le Junias, na hopihsak un. Amaute sawltakpi lakah kikhaituam uh a, tua ciangin amaute Christ sunga ka om ma-in a na om khinte ahi uh hi.
8 Topa sunga ka it Ampliatus, na hopihsak un.
9 Christ sunga ka naseppih uh Urbanus le ka lawm it Stachys, na hopihsak un.
10 Christ sungah kizia-eta, a kisang Apelles, na hopihsak un.
Aristobulus bangkua sunga om teng, na hopihsak un.
11 Ka tanau Herodion, na hopihsak un.
Topa sunga om Narcissus bangkua sunga omte, na hopihsak un.
12 Topa sunga nasep hahkat numeite Tryphena le Tryphosa, na hopihsak un.
Topa sunga nasep a na hahkat mahmah numei dang khat ka lawm it Persis, na hopihsak un.
13 Topa sunga teltuamsa Rufus le kei zong nu-a ka neih ama nu zong na hopihsak un. d
14 Asyncritus, Phlegon, Hermes, Patrobas, Hermes le amau tawh a omkhawm sanggamte, na hopihsak un.
15 Philologus, Julia, Nereus le a sanggamnu, le Olympas le amaute tawh a omkhawm misiangte khempeuh na hopihsak un.
16 A siangtho kinapna tawh note khat le khat na kihopih un.
Christ pawlpite khempeuh in hong hopih uh hi.
17 Sanggamte aw, na sansa uh thuhilhna tawh kilehbulh, na lampi uh hong dongkhaksakin na kipawl khen nading uh a bawlte panin na kidawm un, ci-in kong kun hi. Amaute kiang pan na kihemkhia un. 18Ahang in, tua bang mite i Topa Christ nasem hi loin amau ankam lim nading bek a sem ahi uh hi. Amaute in kamzolna le mi maitang phatna tawh mi melmawlte lungsim a khem uh hi. 19Mi khempeuh in na thumannate uh a za zo uh hi. Tua ahi ciangin note tungah lungdamna tawh ka kidim hi. Ahi hangin thu hoih lamsangah note na pilvang unla, asia lamsangah mawhpengin na om un. e 20 Lemna Pasian in note khepek nuai-ah Satan a sikpek hak nawn kei ding hi. Eite Topa Jesu hehpihna note tawh om ta hen. 21 Ka naseppih Timothy in hong hopihna note hong khak hi. Tua mah bangin ka tanaute, Lucius, Jason le Sosipater-te in zong hong khak uh hi. f 22 Hih laikhak a gelhkhia keimah Tertius in Topa sungah note kong hopih hi. 23 Hih lai-a om pawlpi bup le keimah in a zindona nuam ka sak uh Gaius in note hong hopihna hong khak hi. Khuapi sung tang nasep ukpa, Erastus le i sanggampa Quartus-te in hong hopihna uh hong khak uh hi. ▼
▼16.23 Khutgelh pawlkhatah tg.24 om lo
,
h 24Eite Topa Jesu Christ hehpihna note khempeuh tawh omkhawm ta hen. Amen. 25 Tu-in khanghun sawtpi sung a kiselcip thuthuk kilaakkhiatna tawh kizui-a ka hilh lungdamna-thu le Jesu Christ kitangkona tawh note hong kipsak zopa - 26tua thuthuk tu-in kilaak khin a, minam khempeuh in um-a a thu a man theih nadingun tawntung Pasian thupiakna tawh kamsangte’ laigelhte tungtawnin kitheisak khin hi - 27Jesu Christ tungtawnin tua a pil Pasian khat bek tungah minthanna om tawntung ta hen. Amen.
Copyright information for
ZomZIV